Fitness and Exercise Nutrition
體適能及運動營養學
Joe Sir
Transform yourself
你對體育教育事業有興趣嗎
導師個人網誌
Joe Sir
MSc in Food Safety and Toxicology, HKU
BSc (Hon), HKU
Advanced Personal Fitness Trainer, AASFP
New Referee, HKFA
Lecturer, Higher Diploma in Fitness and Exercise Nutrition
Whatsapp Contact: 9713 9083
十大輕鬆選讀有關「體適能及營養學」大專課程嘅小貼士 #體適能 #運動營養學 #體育高級 文憑課程
Table of Contents
同學在選擇課程時,需留意….
1 如課程包含「體適能和營養」兩面發展, 學嘢更全面
現今選讀體適能嘅課程, 唔可以單單只係讀有關操大隻同做gym嘅知識, 因為作為一個現代化嘅體適能教練, 要令到客人有生理健康嘅發展, 除咗需要運動, 仲需要配合飲食。正所謂’’三分操, 七成食’’, 所以單單學如何做運動係唔足夠嘅, 而係需要配合營養學嘅知識同理論, 才可以令到客人有一個高效率和健康嘅生理變化。
2. 同學畢業後是否有「多路數發展」
同學選擇讀有關體適能課程時, 應該留意畢業完嘅路數同前景如何。 例如課程是單一發展或是多線發展, 如果課程是偏向體適能和成為教練嘅發展, 同學就要留意畢業完就大機會喺做運動教練嘅行業發展。 而至於在運動營養或營養學較專嘅行業發展 (如營養師助理、運動營養助理等), 機會就可能會較微。 而且畢業後接駁嘅學位課程亦有可能侷限於單一路線嘅選擇。 有見及此, 同學選擇讀有關嘅課程需要考慮其內容是否適合自己想像中嘅發展去向。
3. 選嘅課程最好係輕鬆讀, 盡量唔好「一試定生死」
當同學收緊風諗緊去選讀邊科嘅時候, 亦要考慮課程裏面係咪每科都需要考試為最終評估。 因為有啲課程係較為著重文字考試去評估同學嘅成績, 而有啲課程就反而著重同學present嘅技巧, 某啲科目就會以projects 、presentation 或短測去取代終期既文字考試，以減輕同學嘅學習壓力。
Higher Diploma in Fitness and Exercise Nutrition (體適能及運動營養學)
4. 接駁大學路線多，「短時間」攞degree 學位
同學喺揀大專課程時, 需留意完成其課程後嘅接駁路數。 除咗同學喺讀大專時候, 如成績高分嘅話, 可透過non-jupas報讀各政府資助大學嘅學位課程外, 還要留意有無其他好有把握入到嘅本地或非本地學位課程作後備選擇。 因為要入返各政府資助嘅大學學位, 競爭一向都非常劇烈。 所以同學可以諗下選擇其大專課程時, 畢業後是否有可接駁去短時間完成degree嘅課程, 例如可直入其degree嘅last year或year 2, 這樣就可以大大縮短同DSE直上大學嘅同學完成學位課程嘅時間差距。
5. 無background 既同學是否讀得「得心應手」
同學要輕鬆完成所選擇嘅大專課程, 當然唔單止需要同學嘅努力, 亦需要老師嘅用心教學。 所以同學喺收風選擇邊個課程好嘅時候, 當然都要收料聽下邊個課程嘅老師係會細心教學同有照顧學生所需。始終體適能及營養學都係有關科學嘅範疇, 特別對於無Science底或運動底嘅同學, 初初讀都會面對好多挑戰, 例如面對好多英文嘅生字同科學理論。 同學要讀得好, 老師嘅教學技巧尤為重要。
6. 「實習」内容多種類，體驗業界發展
為了令同學更深入了解自己上堂嘅學習內容, 某啲課程都會為同學提供有關體適能業界嘅公司實習。 同學喺選擇大專課程嘅時候, 應該了解其課程有無提供多範疇嘅實習種類, 例如可以提供機會予同學去中小學作為輔助教練嘅實習, 教導學生體適能嘅訓練, 大大提高同學嘅演講技能同臨場應變能力。 又例如提供機會予同學去設計生酮飲食嘅公司, 幫忙設計餐單。多種類型嘅實習都可以為同學大大提升對業界的認知。
Discover a new passion
our classes
7. 「愉快」學習，内容多變化
在我任教9年嘅期間, 觀察到同學性質嘅轉變。 同學近年選擇課程嘅期望都係以實用為上, 愉快學習, 都唔希望只係不斷死記資料入腦和考試, 所以同學喺選擇課程嘅時候可以了解一下課程嘅內容分佈, 會係單一方面嘅內容? 或係多方面嘅內容? 例如課程名稱涉及體適能和運動營養學, 同學自然將會學到除了有關解剖學外, 亦會學到比較「科學」嘅知識。因為運動營養學大多涉及Science 嘅理論, 所以同學喺學習過程除了在健身房學習體適能嘅知識外, 亦會在實驗室進行有關食物營養學嘅實驗。內容多變化, 同學自然會無咁沉悶啦。
8. 同學間氣氛融洽，變大隻「至fit」仔女
同學讀得有關體適能嘅課程, 通常性格都較為活潑好動, 好希望可以同課程班上嘅同學仔和老師們嘅關係融洽, 輕鬆愉快學習。 所以同學選擇大專課程時, 都可以問下其課程畢業嘅師兄姐或學校老師選讀邊個課程嘅氣氛最好。 因為一個良好嘅師生關係, 可以令同學學到更多, 知道更多有什麼是適合自己嘅將來發展。
9. 是否有最新和現代化嘅營養學及健身學習設備
現今體適能嘅設備和科技日新月異, 例如有可以檢測到血液含氧量嘅運動智能手錶、 運動按摩槍、家居調節式啞鈴甚至人工智能家居健身設備等。不論在健身場所或在家居使用呢類新穎運動設備嘅客人, 都渴求對其深入知識和資訊。 所以同學在選讀體適能課程時, 可留意其學校的學習設施是否與時並進, 令同學掌握最新運動設備嘅使用, 以備將來個人行業發展所需。
10. 課程是否講求同學「全人發展」
現今體適能或運動營養學嘅行業都係面對人嘅行業, 教練唔單止要有學識, 仲要識講嘢表達, 亦都要有高EQ和良好服務態度。例如我有任教過嘅一位學生在一間Fitness公司做Part-time健身教練, 佢憶述面對客人時, 需要有溝通表達嘅智慧和高情緒智商。 以上嘅技能都是在學期間學習到。 所以我認為一個成功嘅課程, 除了為學員提供專業知識外, 亦需要為學員提供全人發展, 令學員在投身社會嘅時候, 有更全面嘅發揮。